مافاوال _ شعر حمو الطالب _ mafawal

مجموعة من الحكم والأبيات الشعرية الأمازيغية، المنسوبة للشاعر الأسطوري سيدي حمو الطالب، و التي اجتهد "مافوال" في البحث عنها وكتابتها للحفاظ عليها, ولتبقى مرجعا لعشاق هذا النوع من الشعر، ولكل من يهتم بالثقافة الأمازيغية ..

                    إرحمك أسيدي حمو الطالب إنا إگلين :

     بسم الله أتساروت نلخير نبدا سرك 

إيݣا الصبر وين ربي ربي وين ولي صبرنين

____________________________

ألموت شكرخ إربي ليكم إيݣان دلملك _ ملا تݣيت بنادم سلان إجميلن غ واوال *

مانزاك أوزّال أݣيك سكرخ إلݣوما عدلنين _ اتن ݣخ إتاسانو تفتا دار يان اور هميخ *

أيݣان أطان إتبين إخسان إمدو اللون _ دوحبيب إخاك اوريني ريخك اولا نبراك *

اورار تيميم الدونيت إيان إغضر وينس _ مقار إلسا لحرير إسّودو ف إحباريين *

أحبيب إيݣان أمغدار اوركن ياد نومين _ مقار توسيت البخاري ف أيخف أري تݣالات *

أوتخك أوينو ف النقرت إفوغيد واناس _ زيغد أياناس أور تگيم أبلا إتاسضولين *

أياحبيب إسوݣوتن تيدوكلا دلجموعات _ أوسيخ ݣيك أفوسينو يان إران إيݣ وينون *

أياضيل مي شان إيگايوارن تاما نون _ مقار أرك نتمنيد اورݣيك نضمعا يات *

يان دار الزين إحفض العهد إصاحب أييس _ إسكر لحساب إسيلا خ الجنت اورتا گيزن أكال *

نضالباك أياضو تيويزي ستارا إݣنوان _ أد ستاراخ نكين أكال أحبيبينو جلاناخ *

أور إسكير الشرع أكوراي أدنگيرين د اوفوس _ أشكو كيݣان أتورو تيديت اورد إميك *

إيخيسوا يان أمان ن العين ندو اوجاريف _ إرار فلاس أكال أتور إمل إينواشن *

ياند إقان أياكي ياكي ختاطانگيوين _ أدور ياكي خ إميك نوامان ريزند فلاس *

أدرار اور إخاليض يان إغلي أݣيس ݣمرن _ إخفينو ماداك إنان ياك اورݣيس إزم أك إش *

إني تݣيت أسيف إتاوين كيگان دأمان _ نكين أيگان أسوليل لي رات إحصار أرد إقار *

الموحيبت نغيلاد أغروم إلان أمان _ أت اوكان تاسيت إيݣ إفرورين غ اوفوس *

تيزوا كسانين أك إمالن أياݣليف أن _ إحضان خ اوجاريف أفينك ويلي ݣمرنين *

اورتا ريخ أداك رزمخ ألعين مهل اوكان _ أرداك نزّو توزونين ن الحناء دواضيل *

ليتيهال أدسوا د رجا ن إمزيّْرن _ إلا كرا يوي تگات إلا كرا يوگم الخير *

اوفيخ يا وادّاگ نواضيل إرزا كا إيݣلين _ إيݣا أݣدال ن وياض أورنوف أد ݣيس نش *

نجرب إيزوران نتاسا أخد لان د اوفوس _ يان مي ؤر تاكات اور إعول أديدك إمون *

لارزاق إخلان خ تغاوسا داتغمانت _ خ تاما اوغاراس اورت اوسين ويلي زرينين *

إيݣا المال أديوان أورا فالن أوهو خ واوال _ يان ميتفكيت أر إساوال سلجيهت نون *

اوشن اوريكي تيمزگيدا اور إغري يات _ العقل كا أدارس ألان تانا زران إفهمتنت *

• اورار إتيسفيو يان إوبوكاض أيس إقاي د اوفوس  

   • أفوس أيجنجامن إگنزي خ تيلاس 

• إخاك إزݣور أومالو تاݣمرت اور دارون

تالوزت ن إزيݣ أرواس أمي تاروت _ إخن سرم غليخ نضرد إخكم فلخ أويخ العار *

والله واحق ربي ألبرج ان خيلا اودينار _ أركيد نك مقار رانݣيك نݣ لايام *

ملاد يان ووداد أيلان سنسكر تيمدايين _ إسكولو تݣا تݣانت اودادن نتلف *

أور إسنݣارا ربي تارݣانو دوامان _ أرد إزّاض اوزرݣ إينو بلا تارݣا نيان *

أور نسامح إوالي إبنان لساس إمدي اللوح _ إرار وينو سوݣنس إراري س برّا بضوناخ *

إويخ تيميلا فلباز أسرس ݣمرخ _ إغيتين أوشوان إشيتين خيݣي اوجاريف *

أديكم اوريلوح ربي ألشهوة نو فݣينوس _ إخت اوسيخ إيݣا ݣينوس إخت نسرس ݣينوس *

• أراخ تكّات تݣات نياناخ يوفن صبرناخ

العقل أيسكارن تاووري إخد إحاضر إيان _ إخاسد اوريحاضر كولو مايناول جلاناس *

لارزاق نواكال أدميارخ إما إݣنوان _ إخين ݣيس لان أربي زازݣزيتند ساكال *

اللوح المحفوظ أخلكمخ أنݣن زوند أراعم _ متات ݣيس أور لكمخ سيلا لحمل ييلي اوݣرتيل *

العقل أيمنعان إخاك إدروس اورد المال _ إما المال إلا سورطال إخياد إعدم يان *

أر تالات أياغوليد أتبير أورد أورين _ لوحناس إميك نطمزين إكشم تيمدايين *

... يتبع هناك المزيد قريبا الصفحة في تحديث مستمر ..

_____________________________________________

💌 إهداء خاص : 

أويي ستميزار نتافوكت لي رغانين يوداياخ اوكان اومالونك إخاخ داومن دلخ سيݣنا سوخ أكال الرضى كا أتݣا لوقت ❤️

✓ أ تنيرت مان أݣورام إزور بابام دينام _ أليخكمد اورون أريسوفو إݣنا دواكال "

___________________________________________________